Ang puso ay simbolo ng pag-ibig ng Diyos na naghahari sa ating iglesia. Ang malaking kuwit na pula ay nagbubuo sa hugis ng puso sa pagpapatuloy na maipadama ang kahalagahan ng pag-ibig sa Diyos at kapwa.
Ang Krus na may apoy ay simbolo ng mainit at di nanlalamig na pananampalatayang Cristiano na ang sentro ay Panginoong Jesu-Cristo (Christ-Centered).Ang bukas na palad ay tanda ng pagiging masikap ng mananampalataya sa pag-abot sa mga kapus-palad na nangangailangan ng kalinga, pagiging masikap sa gawain ng kabanalan, at praktikal na aplikasyon ng pagiging Cristiano (Practical Cristianity). Ito ay may tatlong sinag na kulay dilaw sa pagitan ng mga daliring kumakatawan sa mga katangian ng ating Iglesia: Ang kakayahang mamahala, magkaloob, at magpahayag ng mabuting balita ng kaligatasan. Nag-aanyo rin itong kalapati na nagpapahayag ng paggabay, pagtuturo, at pagsangkap ng kapangyarihan ng Banal na Espiritu sa mga gawain ng kabanalan ng ating Iglesia.
Ang bukas na Banal na Kasulatan ay simbolo na ang mga Doktrina ng ating Iglesia ay nakabatay sa Biblia. Ang isandaan taong pagdiriwang ng Iglesya ng IEMELIF magmula ng ito kasihan ng Diyos ay tanda ng pagiging matatag na nagsasarili at malayang Iglesyang nakakatupad ng kanyang tungkulin at paglilingkod sa ubasan ng Panginoon, sa kanyang kapwa at sa kanyang bayan.
Ang araw at along kulay bughaw at pula ay kumakatawan sa ating pagiging makabayan.
